Ev. 1 Musa 8 : 18 – 22
8:18 Jadi ruar ma si Noak rap dohot anakna dohot jolmana dohot jolma ni angka anakna i.
8:19 Ruar ma sian parau i dohot sude binatang, sude gulokgulok dohot sude pidong, sude na manjirir di tano on masiboan mansamna be.
8:20 Dung i dipajok si Noak ma sada langgatan di Jahowa, jala dibuat sian nasa pinahan na ganjing dohot sian nasa pidong na ganjing bahen pelean situtungon, pelehononna di langgatan i.
8:21 Jadi dung dianggo Jahowa uap na hushus i, ninna Jahowa ma di bagasan rohana: Ndang be ulahanku manorui tano on ala jolma i, ai na jat do pingkiran ni roha ni jolma sian sietehetehonna; jala ndang be ulahanku mangaragehon nasa na mangolu, songon na hubahen i.
8:22 Onpe, saleleng adong tano on, ndang jadi mansohot saburon dohot gotilon, ari ngali dohot ari las, ari logo dohot rondo ni ari, arian dohot borngin.
Hatorangan:
* Dung madabu jolma i tu dosa, gabe lam deak do hajahaton ni jolma di tano on. Alanii gabe ro ma toru ni Debata maradophon tano on. Alai hajahaton ni jolma di tano i ndang manundati asi ni roha ni Debata di angka na satia di Ibana (1 Musa 6:8fff). Jala ido na pinatuduhon ni Debata tu si Noah dohot keluargana. Riperipe pasipasi na Badia di Debata, ala dihalomohon Debata do nasida. Haluaon na jinalo ni si Noah rap dohot keluargana i holan ala na Debata do na marsangkap jala na manghalomohon i. Jala disangkapi Debata do marhite Noah tubu generasi na imbaru di portibi.
* Saratus lima puluh ari ma lelengna aek na sumar i. Dung saratus lima puluh ari i dipalua Debata do nasida na adong di parau i. Jala dung haruar si Noah rap dohot keluargana sian parau. Ulaon na parjolo na pinatupa ni si Noah ima na dipajok si Noah sada langgatan di Jahowa huhut dipasahat ma na gabe peleanna. Pambahenan ni si Noah i ima na patuduhon karakter ngolu ni halak na marhaporseaon. Adong 2 hal na pinatuduhon ni si Noah, ima:
a. Halak naung manghilala haluaon na pinasahat ni Debata tung tama do mandok mauliate tu Debata. Tarida ma i na olo halak na porsea pajongjonghon langgatan di Jahowa (mizbêach: altar yang berasal dari kata “zâbach”: pengorbanan, dalam kehidupan bangsa Israel altar merupakan tempat bagi mereka untuk mempersembahkan korban kepada Allah yang berasal dari milik kepunyaan mereka yang terbaik).
b. Pasahathon pelean sian nasa roha jala ndang alani godang ni sinadongan. Saratus lima puluh ari di parau sada situasi na mansai ganjang do i jala boi do menderita nasida ala so adong be bahan makanan. Alai nang pe songoni, ndang mangambati i di si Noah laho pasahathon pelea jala gabe pelean na hushus do i di Debata.
* Halak na memiliki karakter iman yang teguh akan selalu dipelihara oleh Tuhan. Halak na marhaporseaon na togu tu Debata na mangalehon ngoluna gabe pelean tu Debata sai tongtong do pasupasuon ni Debata jala ndang mansohot i saleleng ibana mangolu.
* Halak naung manghilala asi ni roha ni Debata patut do mandok mauliate tu Debata. Jala ido na pinatuduhon ni si Noah tu Debata. Dung malua nasida sian aek na sumar i ro do ibana marsomba tu Debata mamboan pelean na hushus (yang menyenangkan). Alanii do gabe lam martamba do pasupasu ni Debata di ngolu ni halak na sisongoni.
Ep. Mika 6 : 6 – 8
6:6 Marhitehite aha tarbahen ahu mandapothon Jahowa, marsomba ahu tu Debata na di ginjang? Marhitehite angka pelean situtungon ulaning ahu manjumpangkon ibana marhitehite anak ni lombu, angka na marumur sataon ulaning?
6:7 Lomo do ulaning roha ni Jahowa mida hambing tunggal marriburibu? Manang mida angka sunge miak marloksaloksa? Lehononku do ulaning anak buhabajungku abul ni pangalaosingki? Parbue ni butuhangku ulaning abul ni dosa ni rohangku?
6:8 Nunga dipabotohon ibana tu ho, ale jolma manang aha na denggan, jala manang aha na niluluan ni Jahowa sian ho, nda holan na mangulahon uhum dohot holong ni roha di habasaon, jala marpangalaho haserepon maradophon Debatam.
Hatorangan:
* Nabi Mikha, yang hidup sezaman dengan Yesaya, berasal dari sebuah desa di Yehuda, di kerajaan selatan. Ia sangat yakin bahwa Yehuda akan menghadapi bencana nasional seperti yang diumumkan oleh Amos tentang kerajaan utara. Mikha mengemukakan bahwa Allah pasti menghukum bangsa Yehuda juga karena mereka kejam dan tidak adil terhadap sesamanya. Tetapi dalam khotbah Mikha terdapat tanda-tanda yang lebih jelas dan terang tentang harapan untuk masa depan. Ringkasan dari semua yang hendak dikatakan oleh nabi-nabi Israel, yaitu: "Yang dituntut TUHAN dari kita ialah supaya kita berlaku adil, selalu mengamalkan cinta kasih, dan dengan rendah hati hidup bersatu dengan Allah kita."
* Borhat sian Mika 2:8-10; boi do tarida aha do na gabe sibonsiri ni uhum ni Debata tu bangso i. Ndang adong be hatigoran di bangso i. Jala sian parbue na mangulahon na jat i do nasida pasahat pelean nasida tu Debata. Ngolu na sisongoni do na dihasogoon Debata. Dirimpu nasida do boi tuhoronna asi ni roha ni Debata marhite balga ni pelean. Di Debata ndang pelean dohot balga ni pelean situtungon na rumingkot, alai roha na mangalehon manang na pasahathon pelean i do.
* Ayat 8 menegaskan bahwa Tuhan menuntut untuk berlaku adil, mencintai kesetiaan, dan hidup dengan rendah hati di hadapan Allah. Hal ini berlaku bagi semua manusia sepanjang masa, secara terus-menerus, dan tak dapat berubah. Kalau masih ingat dengan khotbah Minggu lalu tentang kelayakan orang-orang percaya yang akan masuk ke dalam bait Tuhan, tuntutannya ‘nggak jauh berbeda. Alanii taingot ma jamita di ari Minggu i, ise do halak na tau masuk tu huria ni Jahowa.
