1. Johannes memiliki sifat-sifat khusus di bagasan pambaritaanna taringot Kristus. Perbedaan ni Johannes dohot tolu Injil Sinoptik (Matius, Markus, dohot Lukas) ima na mamusathon perhatianna tu ha-Mesiason dohot ha-anakan. Status hamesiason Jesus jotjot gabe perdebatan di kalangan Jahudi hatiha i (7 : 26). Jala adong tolu hali disurathon panurat ni buku on taringot hamesiason ni Jesus (1:41; 4:29; 11:27). Jesus do na menggenapi saluhut pengharapan Mesianis bangso Jahudi.
2. Di halak Jahudi, ari Paskah nungnga gabe sada ketetapan na ingkon sibahenon nasida secara turun temurun (2 Musa 12:1-27; 4 Musa 9:12) ima na laho marningot pambahenan ni Jahowa maradophon ompu nasida ima naung paluahon ompu nasida sian parhatobanon bangso Misir. Alanii Paskah di halak Jahudi boi tardok gabe sada parningotan di angka pambahenan ni Debata maradophon bangso i. Alanii ganup ari Paskah, borhat do halak Jahudi tu Jerusalem (II Kronika 30:5). Jala borhat do Jesus tu Jerusalem. Jesus patuduhon sada sikap na menghargai tradisi ni bangso i. Alanii parsidohot do Jesus manopot Jerusalem laho mar-Paskah.
3. Dung sahat Jesus di bagas joro i, diida Jesus do angka partigatiga dohot angka panungkari. Boasa boi masa songon i? Di na mangulahon Paskah, ingkon baenon do pelean situtungon. Alanii adong do halak na so mamboan angka pahanpahananna na laho sipelehononna binahen ni ganjang ni sidalananna. Alanii partigatiga lombu, birubiru dohot darapati na adong di bagas joro i boi do gabe sada dalan laho patupahon pelean situtungon di angka na ro tu bagas joro. Angka panungkari na adong disi ima na laho manungkar hepeng na asing tu hepeng na resmi di bagas joro i. On merupakan usaha yang sah, alai boi adong kemungkinan penyalahgunaan ima ala terbuka kemungkinan pengambilan keuntungan marhite arga dohot kurs na timbo. Boi tardok usaha i boi do gabe sada kecurangan ima na mambuat keuntungan sian halak na ro tu bagas joro na laho marsomba tu Debata.
4. Dipaias Jesus bagas joro. Dung diida Jesus na masa i, dipauli Jesus ma tali dipabali ma nasida. Didok Jesus “Unang bahen hamu bagas ni Damang gabe partigatigaan.” Dison dipatuduhon Jesus hadirionNa ima anak ni Damang. Jesus patupahon songon i ala Ibana do anak ni Debata (bnd. Lukas 2:49). Alanii ndang dihalomohon Jesus ulaon na sisongoni ima na martigatiga di bagas ni Damang i. Jala na asing na dialo Jesus ima gangguan sian angka partigatiga panipu maradophon parsombaon na sasintongna. Keributan dohot angka soara sian partigatiga dohot angka pahanpahanan na digadis disi boi do mengganggu ketentraman manang habadiaon ni partangiangan i. Jala boi do masa i di tongatonga ni parhuriaon halak na martigatiga nang pe ndang martigatiga pahanpahanan, alai na martigatiga cerita di tingki parmingguan.
5. Hamuruhon humongkop bagasmi do mangallang ahu. Sada hubungan sebab akibat. Na dibuat sian panindangion ni parpsalmen na manggombarhon resiko na ingkon ni adopanna di tingki mangaramoti jala manjaga hasatiaonNa di Debata (Psalm 69:8-10). Jala i do gombaran na ingkon ni adopan ni angka jolma na mangaramoti habadiaon bagas joro ni Debata. Na tongtong satia di parsombaon dohot parsaoran ni Debata. Na manjagahon habadiaon goar ni Debata marhite na manjagahon hasintongan na sian Debata boi do mangadopi tantangan jala boi do gabe si sogo di angka na asing.
6. Jesus do bagas joro ni Debata. Ndang adong na boi mangantusi hata ni Jesus na mandok “Lohai hamu ma joro on, dung i pajongjongonku ma i di bagasan tolu ari.” Tangkas do diboto halak Jahudi leleng ni pajongjonghon bagas joro ni Debata ima 46 taon. Alanii ndang tarjalo nasida din a didok Jesus boi pajongjongonNa di bagasan tolu ari. Ndang boi mangantusi hata ni Debata molo holan mangasahon pikkiran ni jolma (bnd. 2 Petrus 1:20-21). Ai holan na mangolu di bagasan tondi ni Debata do na boi mangantusi hata ni Debata. Jala halak na mangolu di bagasan tondi ni Debata sai ro do tu bagas joro ni Debata. Jala bagas joro ni Debata ima Jesus Kristus. Ai Debata di bagasan Jesus jala Jesus di bagasan Ama i (Joh 17:21).
Sipahusorhusoron tu Jamita:
1. Sai ingot ma angka pambahenan ni Debata di bagasan ngolunta.
2. Bagas joro ni Debata ima inganan parsaoran dohot Debata ndang inganan mangalului keuntungan ni portibi on.
3. Ramoti habadiaon ni bagas joro ni Debata.
4. Jesus do bagas joro ni Debata.
No comments:
Post a Comment